لا تصدّقوهم

قصيدة للشاعر خليل روكز

لا تصدّقوهم

لا تصدّقوهم قدّ ما قالو

شخص الفي عندو مال نيّالو

بسّ البيغنّي صوفتو حمره

وبيحسدوه النّاس عا مالو

نحنا خلقنا بهالدّني زمره

إسم الكرم عشنا بموّالو

من فقرنا منستّر النمره

ولو أغنيا عنّا البشر قالو

وهيدا أنا الما عاد لي غمره

من عمر شحشطني على ديالو

قطّفت ثمره وفاتني تمره

ومش كلّ تمّ التّمر يحلالو

ما عاد لي خمره ولا سمره

ويللي بلا الاثنين نيّالو

لكن الشاعر من عدا خمره

متل الكريم الما معو ليره

ومتل البخيل وخزنتو قبالو