من وحي الميلاد
اذهب إلى التنقل
اذهب إلى البحث
قصيدة للشاعر سمير هلال
من وحي الميلاد
لمعِت النجمه بهيكل البخّور
و كانو المجوس بوقتها جايين
عا بيت لحم .. و حاملين ندور
للّي إجى يمسح دموع الطين
العدرا بشاره . عيونها مزمور
بمعبد صلى ودموعها .. آمين
و يوسف بعرزال السمى ناطور
عا أرض رضعانه حليب التين
و إنجيل أخضر بين صيدا و صور
للناصره و ضْياعها الحلوين
للجلجله .. و طلعة جبل ثابور .
كل الدني ضيعه من فْلسطين
و الكوْن طفل بمزْوَد التكوين