عرض مصدر افتتاحية طليع - حفلة البريستول - الاردن

قصيدة افتتاحية للشاعر [[طليع حمدان]] من حفلة اقيمت في فندق البريستول في العاصمه الاردنيه عمان بتاريخ 5 - 10 - 2018 
== افتتاحية  ==
طلّ المسَا وقليِّ معك طلَّيتْ

وجبت القمر تا برفقتو تسليت

رَقُّو الاهو رغيف صار رقيق

وهلو ع ايدو مش انا ال هلّيت

صار يوسع تا يلاقي رفيق

ولما اكتمل قلي على السكّيْت

لقمه خزق مني الفضا ت يضيق

تا هلال صرت وع الدني هلَّيت

والورد من تمو عملت بريق

والفجر من ريقو ندي ملَّيت

ملّ لبريق اللي بيسقي الريق

ومنك أنا يا ورد ما مليت

رح فيقك يا صبح ع التصفيق

بس رح قلك لشو ضوّيت

من نومك بيصعب عليي تفيق

وتشوفني بكرا الصبح وحدي

تركت المخده نايمه وفلَّيت

لوين بدي فلّ بحكيها

كلمه قبل ما قلتها غصَّيتْ

لوين عا بلادي ت لاقيها

للطائفيه الجنت وجنَّيت

جايي ل عزّتنا تا تمحيها

ولولا صِعبي اتمحي تمحَّيت

ما ظلّ في عندي امل فيها

إلا ال ي ريت الغيرها مَ لْقَيت

من كثر ما صرلي بغنيها

ظليت عايش مطرح ال حبّيت

مره اذا مَ قدرت كفّيها

لا تزعلوا مني ولا منها

بدها تكون انبحت ال يا ريت

كل م عملت حفله بوطن تيجان

بين لملوك ال فيهن اتغنَّيت

بلاقي عمان التقوا الاوطان

صاروا وطن لما انا غنيت

وكلما اختمت حفلة بنغم نعسان

بتبكي القصيدة ليش ما كفّيت

تاظل سهرانة مع السهران

عيدني دَخْلَكْ لأول بيت

وبكرا أخَذْني الشوق للتحنان

وهون ال بحبّو بينكن خلّيت

ان تلفن وقلي وصلت عا لبنان

تا حسّ معكن بعدني بعمان

بقلّو سمعتك بس ما رديّت


العالم بيوت والشعوب بواب

ومش كل شعب بلهفْتو حسّيت

ولا كل يلّي بيفتحوا احباب

ولا كل باب بزهرتو تغنّيت

عا بابكن دقيّت قلبي الذاب

علقت الدقّه مْحَلّ ما دقّيت

صارت تغنّي دقتي ع الباب

ع بيوتكن فات ا لوفايا ضيوف

لكن طليع الشعر ابن البيت

لو قلت ابن البيت ما نسينا

شو قال هادينا ت يهدينا

قال النبي سلمان ابن البيت

ونحنا مثل ما قال هادينا

يا اهالي الشرق الله البيّ

ونحنا ولادو كلنا جينا

ما تظلموا شعب المسيحي الحي

ما في وطن من دون فادينا

ونحنا بني معروف بالجولان

والجليل اللي افتخر فينا

يا شعبنا من كل هالاوطان

يا ريت فيي قلك بنيسان

ت نزور سيدي شعيب لاقينا .





[[تصنيف:طليع حمدان]]
[[تصنيف:قصائد طليع حمدان]]
[[تصنيف:حفلات طليع حمدان]]
[[تصنيف:قصائد]]