عرض مصدر العاصفة

قصيدة للشاعر [[خليل روكز]]
== العاصفة ==
يا ورد يا ما تعبت وسقيتك دموع 

وتا إحرسك ضوّيت عينيّي شموع 

ويا ورد لمّا جيت تا شمّ الطّبق 

شكّيتني بمزلوف كسّرت الضّلوع 


بعلمي نويتي بالهوى نبقى سوى 

ومتل ما فكرك نوي فكري نوى 

وليش حتّى تهجري قلبي الحزين 

وتتركيني تحت سكّين الهوى 


يا دعد فارقتي خليل من جمعتين 

وصارو عيونو عا غيابك شمعتين 

وصرت عِدّ الرّمل عا شطوط البحور 

وعا كلّ حبّة رمل أذرف دمعتين 


شو جرالك من خليل قولي الصّحيح 

حتّى تركتي مهجتي وقلبي جريح 

صابني بمحبّتك متل اليهود 

عم تصلبيني متل ما صلبو المسيح 


يا رسول الخير قلّي وينها 

فيها علامه بتنعرف من عينها 

يا ليت ماتو أهلها من هالحياة 

ولا فرّقو بالحبّ بيني وبينها 



[[تصنيف:خليل روكز]]
[[تصنيف:قصائد خليل روكز]]
[[تصنيف:قصائد]]