عرض مصدر مزامير وطن ( 56 )

قصيدة للشاعر [[سمير هلال]]
== سبي بابل ==
الطاعون مارق عا أرض آشور ... يضرُب بسيف العالم المأجور

يْحقّق بجهلو حلم إسرائيل ... و يصير إسمو عبدها المأمور

يربُط على ( دجله ) حصان ( النيل ) ... يهزم ( نبوخذ نصّر ) المنصور

يحاكم حمورابي بشريعة إيل ... و يدبح سميراميس عالخابور

!!

و يخفو حضارة ألف جيل وجيل ... و كل شي بْراج معمّره وقصور

و يتخلّصو من كلّ شي تْماثيل ... و من بابل و من نينوى و من صور

بيضلّ موّال الزمان طويل .... و شو بيجمع الزهره مع الدبّور

و بيضلّ معنا الحق والإنجيل ... ما بيقدرو يتخلّصو منّو

و من كلمتو ومن نور سبت النور


[[تصنيف:مزامير وطن]]
[[تصنيف:سمير هلال]]
[[تصنيف:قصائد سمير هلال]]
[[تصنيف:قصائد]]