الفرق بين المراجعتين لصفحة: «مزامير وطن ( 11 )»
اذهب إلى التنقل
اذهب إلى البحث
موقع زجل>Ahmad K Hasan (أنشأ الصفحة ب'قصيدة للشاعر سمير هلال == باب شرقي == بابك الشرقي درفتين وقنطره متل كلمة ( باب ) شكلو بينقرا...') |
ط (مراجعة واحدة) |
(لا فرق)
| |
المراجعة الحالية بتاريخ ٠٤:٢٩، ٣٠ يناير ٢٠٢١
قصيدة للشاعر سمير هلال
باب شرقي
بابك الشرقي درفتين وقنطره
متل كلمة ( باب ) شكلو بينقرا
بتفوت منّو الشمس قدّيسة سلام
عجبينها إكليل غار وجوهره
....
وشرقي الهوى والخير باعتلك سلام
وداير ع سبع بواب من هالمسطره
وما غصّ فيكي غير عاباب السلام
الما ضلّ منّو غير لام مكسّره
....
وحياة كل شي بجامع الأمْوي حمام
وكل شي عحيطان المدارس شحبره
وعجقة أدان الضهر وجراس الكلام
وصوات بيّاعين توم وكزبره
......
غلطو اللي قالو الشام صارت غير شام
والحمّلوكي سيف بدْل المبخره
لا بالحلال بيفهمو ولا بالحرام
الإرهاب خلّاكي مرى متوّحشي
ووّحدو الشعر بيحسّسك إنك مرى