مرا ... غير شكل
قصيدة للشاعر سمير هلال
مرا ... غير شكل
بتصدّقي لو جيت قلّك سر ؟ .... بنطر خيالك عالمرايا يمر
طمعان بالإغراء و التشويق ... هون الطمع بيفيد ما بيضر
إنتي مرا حلوه و أنا زوّيق ... سحرك فضيله و الفضيله بر
عم باخدو متل الدوى عالريق .. عم بشربو متل الحلو ع المر
مع كل نجمه معلّقه تعليق ... بعروة قميصك زر خاف يهر
بيضيق خلقو جسمك الخزّيق ... بيطقطق زرارو بكبسة زر
شفّاف لبسك والقماش رقيق .... لليوم متل النثر بعدو حر
بيتسابقو الإعجاب و التعليق ... تا يرسموكي من القصيده و جر