شعانين العيد ... لحارس الياسمين

قصيدة للشاعر سمير هلال

متل الألِف واقف ع خط النار

مصلوب بين الصبر و الصبّار

يا عسكري . بتهون إيه بتهون

نيسان حلّو يرشمك بالغار

يا عيون أمك . وين ما بتكون

شعنينتك بتزهّر بآدار

أرضك خصوبي والجمال عيون

" تموز " أنت و سوريا عشتار

ويا شام داوي جنبك المطعون

ما بتفرق الحربه عن المسمار

فخر البطولي بسيفك المسنون

و مكْر السياسي بلعبة التجار

يا راهبه بكنيسة الليمون

صلّي لنصرة جيشنا الجبّار

من جبهة الغوطه غصن زيتون

راجع معو رحلة ولاد زغار

وجايي بقطارو ياخدك مشوار

قائمة التصفح