مزامير وطن ( 39 )
قصيدة للشاعر سمير هلال
رساله لعصابة الأمم
قوس العداله غاب شاويشو ... والظلم متغاوي بطرابيشو
طاووس عتم الشرق بدّو نهار ... وكل الدول عم ينتفو ريشو
بيسوريا .. تازا ببيت النار .... ( الماغوط ) عم يخبز مناقيشو
بيمصر .. سَكّر مخبز الأوتار .... وخبز الموسيقى خان ( درويشو )
لبنان .. متل السلْم بدّو صار .... قدّيس من وديان قاديشو
وانباعت فْلسطين للتجّار ... والشعر عم يبكي ع ( درويشو )
بغداد .. رح بتصير قنداهار ... ويلّحّقو تونس .. بمقديشو
والناس ؟؟؟ صارو يعاندو الأقدار ... في ناس ما عم يقبلو يموتو
وفي ناس ما عم يقدرو يعيشو