يا بيت الشباب من البدايه
قصيدة للشاعر خليل روكز
يا بيت الشباب من البدايه
وطنا الي سوسح الكون بجهادو
و بنى مجدو على سواعد ولادو
لان للدهر وعناد الطبيعة
وابن لبنان ما تليّن عنادو
النمل ببلادنا زنودو رفيعة
وأقوى من الخليقة باجتهادو
و ما في طير نغماتو بديعة
غير الغط عالأرز وعمادو
عنا موطن جبالو منيعة
عليها الجو لاقي اعتمادو
وطنا رحمتو رحمة وسيعة
بيعطيها حسب قيمة ولادو
والأنسان هالـ عندو شريعة
ضروري الناس منو يستفادو
مهما تكون منزلتو رفيعة
بدها الأرض تستقتل بجسمو
اذا ما كان بيقدّس بلادو
يا بيت الشباب من البدايه
سموك بعينين العنايه
وجودك بالوطن لبوه عظيمة
ورفعتي عالشرق والغرب رايه
اسودك وين ما كانت كريمه
كرم فايق حدود اللانهايه
لها في دنية المهجر عزيمه
البحر عن مجدها بيحكي حكايه
وانا سافرت من مده قديمه
شفت اسمك بالمهاجر مراية
وفضل اهلك المحفور بصميمي
جبرني خبّر و اعمل دعايه
انا بصلّي وصلاتي مستديمه
مش تا زيد فقرى او غنايي
ولا بصلي تا اخلص من جريمه
صلاتي من اجل عزة وطنا
وصلاتي اقشع الغياب جايه