آنسة حسناء

قصيدة للشاعر خليل روكز

آنسة حسناء

حبّي لِكي حبّ العبادي والصّلا

لساني وعيوني في هواكي تغزّلو

بحيث النّدي ييشبه خدودك بالحلا

يقبــر عيوني الغيم يلّي نزّلو

الحبّ خلّاني سجين بلا جناح

وبالغزل فرفطت زهرة مطلعي

ومن كتر ما تغزّلت بعيون الملاح

غير حرقة قلب مش باقي معي

حاجي بقا تركض لعمري يا كبر

ويا شيب لا تبقبش على شَعْري حَرام

ويا زهرتي للفجر ودّيلو خبر

بعدني ما شبعت من ليل الغرام

قالو ضحاك بتضحك الدّنيي إلك

وبتشعّ نجمة حسن حظّك بالفلك

صرت اضحك من عيوني وبعدني

وبعدو الفلك أسود متل قلب الحلك

من يوم ما طيفك عن عيوني قفا

صارت عداوي بين عيني والغفا

ومع كلّ هيدا وبعدني بحافظ عليك

وبقول بلكي صار في عندك وفا

لمّا عشقت ليلى وعرف قلبي الغرام

كان ليل وكانت الدّنيا ظلام

وبعدني ورح ضلّ كل ما شفت ليل

قلّو يا ليل غْرامنا عليك السّلام

يلّي غمزتي الغنج بسرقلك نعس

جبلك نعس والنّوم عا عيونك ظهر

انشفت النعس عا حفّة عيونك دعس

بطلع على النجمات بشحدلك سهر