أحيقار العهد الآرامي الجديد ... لروحك السلام

قصيدة للشاعر سمير هلال كتب في بدايتها :

في البدء كان الكلمه

و بالشعر كان جورج رزق الله

شاعر مبدع وإنسان وطن

رح تبقى أشعارك وأغانيك باللغه الآراميي نبض قلب معلولا

وسنابل قمح بحقولنا وميامر شعر بعقولنا

محظوظ أنا إني خلقت بعصرك

اذكرني بملكوتك

هون الجبل

خلصو مواعيد الندي و الزهر

ضيعانهن خلصو و ما كفّو الشهر

و روحك الفاضت عا سما الملْكوت

بخورها عا نكهة ال مازهر

حروف اللغه بالشعر صارو بيوت

و حسّو غيابك متل كسْر الضهر

رح يلعبو ع النهر بيت بيوت

كتار السواقي عا ضفافي النهر

دقدِق على باب الخلود و فوت

خلّي الزوال يموت منك قهر

الشاعر المتلك ما خلق تيموت

المتلك خلِق تيعيش كل الدهر