إلى صديق
قصيدة للشاعر خليل روكز
إلى صديق
من بعد ما طعمت شوكك ياسمين
وسخرت موهبتي إلك أربع سنين
وزرعت مستقبل حياتك فجر نور
وبقيو على الماضي عيونك شايحين
حولت أشعاري إلك جنة زهور
قطفت الزهور وصرت تلعب بالطحين
وكلما رقص قلبي إلك رقصة طيور
تروح ترقص عاقلوب الميتين
سقيتك من دموعي صفا نية وشعور
سْكرت بدموعي وقلت مش طيبين
واسمك على شفافي انطبع قصة دهور
وجربت شكك فيك ونجني اليقين
إنت نيالك بهالقلب الغيور
بتغلط بإسمي كتر ماعندك حنين
لاتلومني خمنت في عندك عطور
مش عارفك شوك وعروقك يابسين
أربع سنين طوال وشوية شهور
صرلك معي ومخمنك مخلص أمين
كنت حبك كل شي تظهر نفور
ومخمنك متلي رح بترجع تلين
تاري إنت مسكين عاميك الغرور
ومع كل هيدا مفتكر حالك ثمين
زرعت قلبي فيك من عكس الأمور
ورجعت شلتو متل شعرة من العجين
روح الله يسامحك فرفر ودور
وسب فيي الناس عرفو إنت مين
شونفع تاج الملك شونفع القصور
وحتى الدني شونفعها بلا عاشقين
وشو بيفرقو الأموات يلي بالقبور
عن جماعة بلا محبة عايشين
ياريت كنت زرعت حبي بالصخور
وتانقول إنو الصخر ماروا البدار
كان احترق ياصار قدس العاشقين