افتتاحية خليل - الجوقة

افتتاحية للشاعر خليل روكز على اثر تشكيل جوقته الجديدة

افتتاحية

على الحفله عند ما الناس فاتو

ما بين اليقين والشك باتو

في منهم عا زغر الجوق عنو

وفي منهم قانعين بكبر ذاتو

انا جوقي اذا مبسوط منو

مش مجبور امدحلو صفاتو

على كل حال هني رح يغنو

وكل شاعر يبين معجزاتو

انا رأيي بعكس ما البعض ظنو

زغر السن للشاعر حلاتو

ابن الجهل مهما كان سنو

ميت في حياتو وفي مماتو

وابن الموهبه بالعكس عنو

بيخلق كون ساعة ما بيخلق

ولما بينتهي بتخلق حياتو

ويمكن تسألوني عن رفاقي

وعلى ايا سبب حبو فراقي

انا بجاوب قبل ما تسألوني

افترقنا بس بعدو الجو ناقي

انا شجره وانتو بتعرفوني

ونتيجة كل شجره عالسواقي

بتعطي من التمر للكون موني

ويبقى غصنها شامخ وراقي

تلات طيور غطو عا غصوني

رح بيبقو ما زال الغصن باقي

كنت ربي طيور ويتركوني !

وهالمره الأمل عندي انشالله

بربي ومتل ما بربي بلاقي