الحفلات لولا من مناصرها
قصيدة للشاعر خليل روكز القاها في جبيل في 27 حزيران 1958
الحفلات لولا من مناصرها
الحفلات لولا من مناصرها
شو نفع ماضيها وحاضرها
متل طير منتف الريشات
بيضل طول العمر شاعرها
الشاعر خلق تا يدوب غنيات
روجو لذوق الناس يئسرها
ولو كانت البسمه من الحيات
بيضل مبسوط بظواهرها
يا جبيل غنّيتك شعر آيات
عا لوح صدر الدهر حافرها
لو ما مدحتو كان شعري مات
وما ضل عندي بيوت أذكرها
استوحيت منّك شعر و خيالات
وآخي على حسابك مسوكرها
رقّصت عشتروت عالنغمات
و رجّعت ادونيس يسحرها
عا مبسمك حط الفجر بسمات
بعطر الندي الأخضر معطرها
و كل ما بتشوّب النسمات
بتركض تغرد تحت دايرها
وتروح نحكي للدني حكايات
من بعد ما بالطيب تسكرها
وترسم على جبين الأبد لوحات
عن قلعة جبيل و مناظرها
ومتعهد الجوق بصفا النيات
نفسو غنيه في مآثرها
مش مقصدو تجميع مصريات
قصدو ولاد الفن يشهرها
ورح قول هالكلمه بلا غايات
عن سر هالحفله وجوهرها
مش كل حفلات الزجل حفلات
بتكون بالقلعه الغنية كتير
وبجوانحو التوفيق غامرها
يا جبيل لو فيكي النجوم بينزلو
بيفزعو يصيبن من نجومك ضرر
ومن كتر ما الشعار فيكي تغزّلو
صارت بيوتك شعر و ترابك درر