الله على الباغي

قصيدة للشاعر خليل روكز

الله على الباغي

كانت تحبو وكان هوي يحبها … صدفة وقع بيناتهن مشكل زغير

صارت تقسي قلبها وفي قلبها … هاجس عرف عصفورها بدو يطير

حملت دموع عيونها ونهداتها … وعليه راحت تشتكي لرفقاتها

و رفقاتها كترة ما صارو مجرمين … وعيت بلاغتهن تحت دمعاتها

وقالو لها إنكان بدك تعرفيه … قديش بيحبك ضروري تجربيه

شنكليلك شب وقبالو إمرقي … بيركض وراكي وغيرتو بتجن فيه

وبالفعل سمعت من حكي رفقاتها … ومثلت فيه الرواية ذاتها

و استأجرت إنسان من أهل الطريق … ومرقت قبال الكان إلها وفاتها

وشافها وشو صار لما شافها … لا تحرك شعورو ولا هزوا الخبر

تأسف على اسمو المرق عشفافها … وغمض عيونو وقال ضيعاًن النظر