المرا .... الخانم

قصيدة للشاعر سمير هلال

عملتي جدَل متروك للإيام .... حاله غريبه من الشعور العام

متل البساطه الكلّها تعقيد .... و متل الوحي المكسور بالإلهام

عالعيد من يومين بالتحديد ... صدرِت أوامر للأناقه الخام

تستنفر الموضه بيوم العيد ... و تفتح إلك موقع إنستغرام

شفتي حدى قدي خيالو بعيد .... صار بجمالك شاعر و رسام

بيشوف فيكي كل سحر جديد .... و بيشوف متلك بس بالاحلام

ما بتقدري تعيشي بلا تمجيد .... أكتر من السلطه ومن الحكام

و ما بيطلع من المي غير نبيد .... معلوم يا بنت الافنديي

خانم حلى و الخانم من الشام

قائمة التصفح