المرا ... الأم
اذهب إلى التنقل
اذهب إلى البحث
قصيدة للشاعر سمير هلال
المرا ... الأم
بسجُد لأول ضلع عانقتو
هوّي خلقني مش أنا خْلَقْتو
قبل الوعي والحسّ والتفكير
زهّر بقلبي حب و عْشقتو
حتى اشتهيتو و صار عبء كبير
ولما سمحلي شم زنبقتو
دقتو عطر طيّب كتير كتير
و أطيب و أطيب قبل ما دقتو
مع مصطلح حرية التعبير
عا جسم بالإحساس رافقتو
بلعب لوحدي لعب طفل زغير
من دون ما آخد موافقتو
و هالضلع إنتي وشو حلو التصوير
يعرف بأيا سحر علّقتو
وقت التأمل بالجمال يصير
ياخد من عيوني العمر كلو
مقابيل لحظة شعر من وقتو