المرا ... السر

قصيدة للشاعر سمير هلال

المرا ... السر

كلما ع ضو العين تتمرّي

و بلعبة الإغراء تتعري

بيتزحلق خْيالك مع الألوان

وما بين رمش و رمش بتمري

. جسمك بيهجُر هالة الفستان

و بيشعّ سحر ترابك البرّي

وبيطلع اليورانيوم خسران

بمْعادلة إشعاعك الذرّي

. صرلي عمر عم راسل الغفران

تا خلّصك من فكر لمعرّي

و تا أفهمك من فلسفة جبران

بسكن شْلوح الأرز ببشَرّي .

قدامك بيتواضعو القصدان

و حقك بمجد الشعر تنغرّي

فيكي جمال السر بالإنسان

رح طبّق حْدعْشَرْ مرا متلك

و أعزم إلهك ع العشا السرّي ..