بحرين
اذهب إلى التنقل
اذهب إلى البحث
قصيدة للشاعر خليل روكز
بحرين
يا مضيّعه بالحبّ رسمالك تعي
إمشي معي ولا تشغلي بالك معي
ما زال سرّك في مهبّ الرّيح طار
تمرّد شقاكي بعكس آمالك سعي
ما زال سرّك في مهبّ الرّيح طار
طابق غرورك لازمو تصليح صار
ونبع الصّدق عندك كتير شحيح غار
ومن طولة لسانك ضنا حالك وعي
صفرا كتير ولونك من الصدّ شاب
بكيتي وعيونك جوّرو والخدّ ساب
بأول مساكي كوكبك مسودّ غاب
وعا صباحك ليلك الحالك دعي
بعلمي عليكي كوكب الآمال لاح
وعا فجر سعدك ليش عاد الفال صاح
خسرتي صداقة شاعرك والمال راح
يا حسرتو قلبك على مالك لعي
يا تاركي بالوهم أحلامك تجول
موّني بالدّمع إيامك خمول
وكل ما سألتيني عن غرامك بقول
مشي معي لا تشغلي بالك معي