بيت شباب
قصيدة للشاعر خليل روكز
بيت شباب
لبنان اسمك رمز للعالم صفي
جبالك عرايس نور بيضا مهفهفي
مجدك قديم كتير وتيابك جداد
الأجيال غنتلك قصيدة فلسفي
لو ما بتاريخ الدني تكون العماد
وتشق موج البحر هاك العاصفي
ولوما افتتحت الاندلس بالاجتهاد
عجلة التاريخ كانت واقفي
لا تفتكرنا يا وطن عنك بعاد
ولا تقول الحظ دشّرنا و قفي
حظك متل حظ الغزالي بالرقاد
بيضل واعي قد ما تشوفو غفي
لبنان عا ماضيك لا تلبس حداد
ولو فرّقونا الف ملّه وطايفي
عا قد ما بالبيت يختلفو الولاد
بيضل يجمعهن بساط العاطفة
ويا بيت شباب الحاوية كل العياد
عرفتك انا عن اعتقاد ومعرفي
فيكي انطلق جنحي وتمرّد عالسواد
يعني سواد الليل يلي مش خفي
يا عيد عيد التضحية والاتحاد
بجاه نور العالجبل خلفك قفي
خلّيك بين قلوبنا أزرع وداد
ورد عن لبنان هاك العاصفي
ما همنا فرق المذاهب بالعباد
البيهم نسقي جمرنا تا ينطفي
وبيهمنا نحافظ على مجد البلاد
و نضل أخوة في محبّة بعضنا
وتضل ارزتنا علينا مرفرفي
غيابنا آمالنا وأحلامنا
غابو و زادو جروحنا وآلامنا
وكلما رجع غايب عا بلدة بيت شباب
بترجع الأرواح عا اجسامنا