صفصاف
اذهب إلى التنقل
اذهب إلى البحث
قصيدة للشاعر جوزيف حرب
صفصاف
كل ما ع التخت،
مرّه بفوت.
وتبقى عيوني كثير نعساني.
بتوعى ما بعرف ليش،
أحزاني.
وبيمرقو مثل العواصف ع الشجر كل اللي غابو،
كل يللي فتحو فيّ جروح، وكل يللي بعدني بشتقلهن.
كل اللي خانوا هالبياض.
الأسئله السودا،
مسا الأيام،
ليلات الشتي،
أهلي اللي راحوا بهالعتم،
ويطير نومي،
وصير كلي غصون.
وْراقا عيون،
مرغرغا وحمرا،
ونقطها دم دافي.
وتقطر،
وبركي هـ التخت.
وتصير عند الصبح ملياني.
وفيها أنا الإسمي الصفصافي.
بالدمع غرقاني.