عن الأمل

قصيدة للشاعر خليل روكز

عن الأمل

يللي عا ساعة عزّ متمنّي

منشان فيها تعيش متهنّي

قدّ ما بدّك من السّاعات

بشيل الأمل وبسلّمك هنّي

وتا تشوف شو فضل التّمنّيات

لو ما الأمل ما كنت بتغنّي

ولا كنت بتشرّف على الحفلات

لو ما الأمل بالقرش والرّنّي

هيهات لولا بتقتنع هيهات

وتشوف ليش النّحل بيجنّي

عندو أمل بيعيش بالعسلات

كلما عن الزّهره عطي منّي

وصرصور عندو العمر غنّيات

متل الحما عندو الأمل كنّي

لمّا نفخ ريح الشّمالي بات

وما عاد لا يعزّي ولا يهنّي

مسكين يللي واجبك غايات

بعت الكحل أرخص من الحنّي

يا مسلّح بأفكار وهميّات

وحمّلتني جهلك غصب عنّي

رح سمّعك آيه من الآيات

للدّهر غنّيها بدل منّي

آدم أكل تفاح ساعه ومات

وشوف الأمل مع سيّدك يسوع

كيف طلّعو من الأرض عالجنّي