قربانة الإنجيل
اذهب إلى التنقل
اذهب إلى البحث
قصيدة للشاعر سمير هلال
قربانة الإنجيل
شو تهمتو هالمجرم المصلوب ؟
صرلو دهر للمحكمي مطلوب
يمكن طريق الجلجلي عطشان
للدم . بعدو متقّلّ المشروب
ما صدّقـو إبـن السما إنسان
و ما استوعبو بيتالّه المحبوب
بيلاطس تلطّا ورى الخيطان
ومغزل " قيافا " حيّك الكبكوب
وبوسة يهوذا طعنت الغفران
بختم الخيانه ولعنة المغضوب
وبطرس دفع فاتورة النكران
عبواب روما صلْب بالمقلوب
موجوع يا تراب الدني . ما كان
هالشك يهجر من كتير قلوب
وعبدك متل تومـا بلا إيمـان
بيضل بدي شوف شو ممحي
بوقت اللي لازم شوف شو مكتوب