للحزانى

قصيدة للشاعر سمير هلال كتب في بدايتها للحزانى اللي نسيهن العيد والشعر ما نسيهن

جايه عبالي فك حزني و روح

عالناصره بيت الفرح والعيد

ما أصعبو حزن القلب والروح

نار و جمر ما بينحمل بالإيد

وشو بعمل بحزني و لمين ببوح

بَوْح العنب عالعصر صار نبيد

مولود بالمزود مسيح جروح

مش ناقصو هم وبكي وتنهيد

خليك يا باب السما مفتوح

لا تسكّر بوجّي اذا بتريد

أو غرّق الحزن بسفينة نوح

أو سيِّر الأرض بمدار جديد

قائمة التصفح