مرايتي
اذهب إلى التنقل
اذهب إلى البحث
قصيدة للشاعر سمير هلال
مرايتي
عا غيبتك . بشتاق لعيوني
عا مقعدك يبقو ينطروني
بيجوز ينسوكي مع الإيام
ويمكن مع الإيام ينسوني
بيغيب وعيي و يقظتي بتنام
متل الكأني مغمّض جفوني
بيجفل حصان النوم عالأحلام
بالنوم في أحلام مجنوني
لما يزهّر ياسمين الشام
بهالوقت أنتي وين بتكوني
خايف ع بُعدك أعبد الأوهام
راهب الخوف بيعبد القوني
وجّي تكسّر شمعدان رخام
شكلو بيشبه صورة ظنوني
من هون حتى يرجع الرسام
لمّي قزازك و اجمعي حالك
يا مرايتي اشتاقولك عيوني