مرا للحب

قصيدة للشاعر سمير هلال

مرا للحب

إسمك الشام . و كنيتك باريس

وتقمّصِت فيكي سميراميس

فوق الطبيعه سحرك الجذّاب

عايم على جينات مغناطيس

وجّك قصيده .. الإبتسامه كتاب

و الطول فارع .. والجسم لبّيس

عم يشلح خْيالك بدون تياب

و الأرض عم تلبس بلا مَ تقيس

عندي بجمالك ذاكرة إعجاب

من عصر ميثولوجيا إيزيس

إيّام ما كان الهوا غلاّب

و يسلّم العشّاق للبوليس

قولي .. حكيت بدون إستيعاب

و تْجاوَزِت موسوعة قْواميس

و قولي العمى قدّيشني كذّاب

متل المراهق بعدني لليوم

تفكير شيطان . و قلب قدّيس