مزامير وطن ( 16 )

قصيدة للشاعر سمير هلال

السلام عليك

بالسلم شو مستقبلك

ومافي خطيّي ومش شغل إيديك

ومافي ولا مره إلك

إلاّ وعلى طول السلام عليك

من وقت ما وعيو عيوني عليك

ما بعرفك يا ( شرق ) إلاّ هيك

مظلوم أو مجروح أو مدبوح

هوّه ( الوطن ) بس هيك

ظلم وأسى وجروح

وبالآخره بتروح ع البيروح

إلاّ الكراسي وكم آغا وبيك

عقلي عميقلّي

ضبضب غراضي وروح

نازح

لأيّا جسم بدّو روح

وآخد معي

غصن السلام وروح

تاماتضلّ تدعوسو بإجريك

شاطر تقوّس عاحمامة نوح !!!