مزامير وطن ( 30 )

قصيدة للشاعر سمير هلال

تبييض أوطان

فْلسطين يا أرض الندي والريش ... بالإذن من محمودك الدرويش

وناجي العلي وغسان كنْفاني ... ودمّ الفدائي ولقمة الدرويش

كنتي بزمانك بيت كنعاني ... حولو انزرع زيتونك العيّيش

وقعتي ضحيّة شعب عبراني ...علّق مسيحو بمحكمة تفتيش

واليوم من ظلمو عمتعاني ... بطش الغريب وغيبة الشاويش

أخدت قضيتك بُعد إنساني ... بتبييض أوطان وزمن تهميش

بهبط عليها بيتها التاني ... من بعد ما عاشت ب روح الشعب

راحت على جياب الملوك تعيش