مزامير وطن ( 43 )

قصيدة للشاعر سمير هلال

بعدو هوى أحلامك شْمالي

بعدو هوى أحلامك شْمالي .... و بتحنّ للسلطان و الوالي

مدّ و جزر بين الفُرس و الروم .... ما شايفك إلاّ ( رجُل آلي )

بسِكّينة الجفرافيا مقسوم .... قلبك . و شايف وضعك الحالي

تاريك لما تنام ما بتقوم .... مرنِّخ على تاريخك البالي

شغّلت حالك بالقضايا عْموم .... وسخّرتنا بتعليمك العالي

كرمالهن تاندفع المعلوم .... و فقّرتنا بالطابع المالي

شو آخدك عا آخر ( الخرطوم ) ... طالع عبالك موز صومالي ؟ ؟

ولاّ على ( طنجه ) عآخر زوم .... ( ونواكشوط ) وحدودها ( مالي )

شو نزّلك من مملكة لِنجوم .... عالمملكه وعاربعها الخالي

حتى تحقّق حلمك المشؤوم ؟ .... يلّي ( بلاد العُرْب أوطانك )

هنّه الرخاص ووحدك الغالي