مزامير وطن ( 49 )

قصيدة للشاعر سمير هلال

فلاح آرامي

الناطور .. ريشي

المحبره .. عرزال

راحت الريشي ...

انتزعت العيشي

و سطيو الحراميي ع كرم البال

نادو على خالي أبو عبدو

ع الشاعر القوّال

يزرع الأرض ... الأرض

اشتاقت تلمّ غْلال

البيكون إنجيلو سنابل قمح

بيكسُر خبز وبيطعَم الأجيال

بيعجُق كروم التين

بيعزُم الفلاحين

و بيعيّدو الحلوين

و بوقتها خلّو شهر تشرين

يلحّق صرر وسْلال

البيكون ميرونو عرق لجبين

ع الحقل ما بيبازر الدلاّل

و ما بيترك الكرمه وزهر اللوز

يتعلّقو بالعمر ماشي الحال

وما بيترك الحور الحلو والجوز

يطقّو عطش عامسمع الشلاّل

البيكون راعي أبرشية شعر

متل الخال

في شي نبوءه ضايعه من ( حزقيال )

وجايه يكفّيها بشي موّال