مزامير وطن ( 59 )

قصيدة للشاعر سمير هلال

طائر الفينيق

شو قيمة عيونك بدون شْروق ... شو طعمة غصونك بدون عروق

يا مشرّد ولادك ورى الأوهام ... صارو " دُمى " وصارت الهجره سوق

صارو المقابر مهرجان رخام ... والموت مستدوق م كان يزوق

ما ضلّ من حمص وحلب والشام ... إلاّ ها لشويّة قلب محروق

ما ضلّ من صوتك صلى أنغام ... إلاّ ها لشويّة صدى مخنوق

لا خير لا أفراح لا أحلام ... لا حب لا عاشق ولا معشوق

طوّل عذابك جمعة الآلام ... صفّيت للفرجه بلى صندوق

بطّلت آمن فيك هالإيام ... حتى تموت وتولد من جديد

وترجع وطن مولود مش مخلوق