مزامير وطن ( 65 )

قصيدة للشاعر سمير هلال

من وحي الدمعه العظيمه

عفريت يا نجّار لتْوابيت

شفت البلد واقف ع كف عفريت

وسّعت ورشة " يوسف النجّار "

وكتير صاير تشبه التجّار !!

القشّه ما فيها تسلَم من النار

و عا راسها طربوش من كبريت

..

و قدّام بيّاع الشنَطْ بالسوق

كل يوم عم شوف الوطن معجوق

ع البيع باظِت عزقْتو

ألله يقطع رزقْتو

هالكلب شو مرزوق

..

هاتو جوازات السفر هاتو

ذاتو السفر ذاتو

مكتوب ع الختم بجوازاتو :

( كلّ اللي ماتو : سافرو

والسافرو : ماتو )