منجيره معلوليي - راعي القطيع

قصيدة للشاعر سمير هلال

منجيره معلوليي - راعي القطيع ( أبو عطالله )

بتقعُد معو . وبتحبّ لما تسمعو ... يسولفلك بهالعمر شو صاير معو

يرعٌد بصوتو غيم آرامي عتيق ... و تبرُق تلاميحو و عيونو يلمعو

سرَّح قطيعو بآخر الفج الغميق .... و فوق الجبل مشتاق ناطر مطلعو

الزعتر البرّي يرافقو طول الطريق ... و الهندبه تغزُل كَمَر عا إصبعو

و يحكي ويحكي . وللسمع عندو رفيق .... و عاجبهتو خطوط الزمان تجمّعو

رغم القساوه ضلّ من جوّا رْقيق .... و تنشوف بكرا كيف بيشيبو النسور

صارو الشوارب ع الحواجب يطلعو