منجيره معلوليي - متاحف البرد

قصيدة للشاعر سمير هلال

يا بيوت هالضيعه المهجورين ... عا مين عم تبكو العمر ؟ عا مين

الدنيه بتدفى بليلة الميلاد ... و إنتو على الميلاد بردانين

صار الونَس عبوابكن شحّاد ... و مات الفرح بقلوبكن مسكين

حيطانكن للذاكره براد .... و سطوحكن للمحدلي فلّين

ضاعو غناني القمح والحصّاد ... و راحو شراويل العنب والتين

الكانو يطمّوكن بعرّ ولاد .... و من خير الله ناس شبعانين

و اليوم صرتو موميا أجساد ... أرواحكن عا طول مغتربين

صارو صوركن مهرجان رماد .... بكرا بطيّركن هوا تشرين

قائمة التصفح