من ايّا سنة ناسي زماني
قصيدة للشاعر خليل روكز
من ايّا سنة ناسي زماني
من ايّا سنة ناسي زماني
حملت يا جبيل إسمك عا لساني
يمكن قبل ما فتّحت عيني
رماكي الحب في قلبي أماني
و قبل ما طل وبر بجانحيني
طرت ليكي على جوانح حناني
و بشعر محبتك رجحت عيني
و صدر منك كتابي الأولاني
بعيني إنزرعت حروفك جنيني
و أنا بالحب من طبعي أناني
و مهما يفرقو بينك و بيني
لا إنتي رح تحبي غير شاعر
ولا قلبي ع بالو حب تاني
رجعت ليكي و دشرت الغناني
بأرض الغرب عنك أسطواني
حلو الغايب يعود لمحلّو
و حلو الإبن ما ينسى الحضاني
أنا يا جبيل مبداكي بجلّو
بعد ما دفنت فيكي عنفواني
عرايس نور سبت النور طلّو
و شهق قلبي و ورا الشهقة رماني
و أنا لما برمت البحر كلّو
الشطوطو من بوابيرك ملاني
كل ما شفت مركب كنت قلّو
إنت يا مركب من جبيل أصلك
اذا عندك اصل رد الأمانة
إجا العيد اللي نحنا ناطرينو
عيد الـ بارك الكون بيمينو
عيد التضحية و عيد الندامي
عيد الحط شوك على جبينو
إجا عيد التواضع و الكرامي
عيد اللي صفح عن مبغضينو
عيد المجد عيد الإستقامي
عيد الغامر الأعمى بحنينو
يا يسوع يا رمز القيامي
لنا عندك طلب مش ناسيينو
خلّي الكون عايش بالسلامي
و إمحي التفرقة و إحفظ وطنا
ولقلبو رد كل مهاجرينو
هيدا أنا بكون حامل العمر بيدي
و بيني وبين الموت في قمزة جدي
بترجع لأرض جبيل تقدفني الحياة
و بيعاود من جديد عمري يبتدي
الحفلات بكلّ بلادي
حلوة و ما بدها شهادة
لكن حفلاتك يا جبيل
بيبقى سكّرها زيادة