يا ريتك بتلجم عنفوانك
اذهب إلى التنقل
اذهب إلى البحث
قصيدة للشاعر خليل روكز
يا ريتك بتلجم عنفوانك
يا ريتك بتلجم عنفوانك
وبتعقل وبتغيّر دهانك
وكل نهار تاكل صحن لبني
بلكي ما بقى يزحلق لسانك
عرفت لمحبتك ضعفك جذبني
صرت عن والدك تطلق عنانك
انا ضربت الزّمان وما ضربني
عا مهلك يا صبي هدّي حصانك
انا بفرح إذا زندك غلبني
لأني بريد يعلا كتير شانك
لكن هالبنا انضلّيت تبني
بدّو يضلّ ضايع اتّزانك
حسبني متل ما بدّك حسبني
أنا بييك انا مأسس كيانك
بعتب عا حناني اللي غصبني
بداخل مهجتي اعمل مكانك
شربت المرّ من دربك يا إبني
تا حتّى ما تضرس في زمانك
بس اللي عجبني وما عجبني
انا من مرّك تحلّو سناني
وأنت من سكّري ضرسو سنانك